بےنام تعلق

ایک سرد ہوا کا جھونکا میرے چہرے سے ٹکرایا اور میں چونک کر اپنے خیالات کی دنیا سے باہر آگیا۰۰۰۰پتہ نہیں میں کب سے اپنی سوچوں میں گم تھا۰۰۰۰۰میرے سامنے رکھی چائے سرد ہوچکی تھی ۰۰۰۰شام کے سائے گہرے ہو چلے تھے اور پرندے اپنے گھونسلوں کی طرف رواں دواں !!
دسمبر کی یخ بستہ شام اور اُسکا سحر اپنے جوبن پر تھا۰۰۰۰میں چلتے چلتے بہت دور نکل آیا تھا اور سستانے کو سڑک کے کنارے بنے چائے کے ایک چھوٹے سےکیبن پر رک گیا تھا۰۰۰۰۰چائے کا آڈر دے کر خیالات میں ایسا کھویا کہ کب چائے آئی اور کب ٹھنڈی ہوئی کچھ خبر نہ رہی۔
ایسا پہلی بار نہیں ہوا تھا، جب جب میں اسکے متعلق سوچتا میری یہی کیفیت۰۰۰۰۰دنیا سے لاتعلق۰۰۰اپنے آپ میں مگن ،اپنے اطراف سے بےگانہ۰۰۰۰بس اسکی یادیں اور اُسکی باتیں ۰۰۰۰اسکے ساتھ گذارے ہوئے لمحات۰۰۰۰۰۰میں گُم ہوجاتا۰۰۰۰کھو جاتا۔
اُسکے ساتھ اپنے تعلق کو میں آج تک کوئی نام نہ دے پایا تھاکچھ باتیں اور کچھ تعلق ہماری سوچ سے بالاتر ہوتے ہیں۔ہماری سوچوں کی پرواز اُن حدود سے ٹکرا کر لوٹ آتی ہےجن کے پار شاید ہماری سوالوں کے جواب موجود ہوں۰۰۰۰۰۰
میں آج تک سمجھ نہیں پایا تھا کہ میرا اُس سے کیا رشتہ ؟؟؟؟؟مگر جو بھی تھا بہت گہرا۰۰۰۰۰میری روح تک سرایت کر گیا تھا۰۰۰۰۰
کبھی نہ چاہتے ہوئے بھی ہم وقت کے دھارے میں کسی کے ساتھ بہتے بہتے اتنی دور نکل جاتے ہیں کہ واپسی ناممکن!اگر ایک جانا بھی چاہے توکوئی راستہ نہیں۰۰۰
رشتوں کو کئی نام دئیےجا سکتے ہیں ۰۰۰دل کے رشتے،خون کے رشتے،دوستی کے رشتے،محبت اور خلوص کے رشتےوغیرہ۰۰۰مگر میں اپنے اس رشتے کو کوئی نام نہ دے سکا تھا۰۰۰۰ایک عجب سی پُراسراریت ۰۰۰۰۰اک لگاؤ۰۰۰۰۰ایک نامعلوم سی کشش جیسے کوئی نور کا ہیولہ جس نے میرے وجود کو گھیراہوا ہو۰۰۰ایک میٹھا میٹھا سا احساسِ وابستگی۰۰۰۰شاید یہ روح سے روح کا رشتہ؟؟؟؟
مجھے ہر دفعہ اُس سے مل کر ایک نیا سرور جو میری روح تک کو معّطر کردے۰۰۰۰مجھے ایسا لگتا کہ ہماری روحوں کا آپس میں کوئی پرانا سمبندھ؟؟؟؟؟
میں سوچتا چلا گیا اوراُلجھتا چلا گیا۰۰۰۰۰۰۰
میں نے اک سرد آہ بھری جو دسمبر کی یخ بستہ شام میں کہیں گم ہوگئی۔
میں نے ایک نظر چائے کے ٹھنڈے کپ پر ڈالی اور گھر کی طرف چل پڑا۰۰۰۰۰
(ابنِ آدم)

Advertisements
This entry was posted in بےنام تعلق. Bookmark the permalink.

One Response to بےنام تعلق

  1. Anonymous says:

    By nam sahi taluq tw hy

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s