فنا مقّدر ہے۰۰۰۰

سیڑھی اُترتے ہوئے میرے قدم لڑکھڑا گئے،میں گرتے گرتے بچا اور بامشکل تمام ریلنگ کو تھام سکا۔میری آنکھوں میں تیرتی نمی نے ویژن کو دھندلا دیا تھا۔میں نے شرٹ کی آستین سے آنکھیں رگڑ کر صاف کرنے کی ایک ناکام سی کوشش کی،،،مگر آنسوؤں کا ایک سیلاب تھا جو اُمنڈنے کو تیار تھا،،،،دل کے ساتھ ساتھ آنکھ بھی بھر آتی تھی۔
کمالِ ضبط سے کام لیتے ہوئے میں نے اپنے آپ کو سنبھالا،،،،،میرے اندر اِک جل تھل کاسا سماں تھا۔ایک بارش تھی جو برسے جا رہی تھی۔
میں اپنے ایک قریبی دوست کی عیادت کے لئیے ہسپتال میں موجود تھا،،،اُسے موت و زیست کی کیفیت میں مُبتلا دیکھ کر میرا دل بھر آیا تھا۔
چاروں طرف چاہنے والے،،،،،،پیار کرنے والے،،،،،جان چھڑکنے والوں کا ہجوم،،،،،مگر بےبس،،،،،،لاچار،،،،،بس ہاتھ مل رہے تھے اور اپنے پیارے کو جاتا دیکھ رہے تھے۔
کبھی کبھی انسان کتناکمزور اور مجبور۰۰۰۰۰بڑے بڑے دعوے۰۰۰۰اونچے خیالات۰۰۰۰صدیوں کی منصوبہ بندی۰۰۰۰مگردر حقیقت بالکل بے بس۰۰۰۰حالات کی اک ذرا سی ٹھوکر سے کچھ کا کچھ۰۰۰۰سب کچھ جوں کا توں دھرا رہ جائے۰۰۰۰پل بھر میں سارا منظر ہی تبدیل۰۰۰۰
میں دیوار کا سہارالئیے کھڑا تھا،،،،،سوچوں اور یادوں کا اِک اژدھام تھا جو جوق در جوق چلا آرہا تھا۔
مجھے اپنے دوست کی زندہ دلی یاد آئی،،،،اسکے زندگی سے بھرپور قہقہے،،،،،خوش مزاجی،،،،چٹکلے،،،،کیسے کیسے خواب،،،،کیا کیا پلاننگ۔
انسان کے کٹھن امتحانوں میں سے ایک امتحان،اپنے پیاروں کو تکلیف میں دیکھنا ہےاور کچھ نہ کر پانا ہے۔اپنی بے بسی کا احساس،،،،،کتنا حقیر،،،،کتنا کمزور۰۰۰۰
جتنا میں سوچتا جاتا میرا دل ڈوبتا جاتا۰۰۰۰۰
میں ہاتھ مل رہا تھا،،،،سب کی طرح بے بسی سے،،،،سہارا تھا
تو صرف ایک امُید اور دعا کا ۰۰۰۰
میں دکھی دل اور بوجھل قدموں سے ہسپتال سے باہر نکل آیا،،،،یہاں زندگی اپنی پوری آب و تاب سے جگمگا رہی تھی،،،،ہر طرف وہی گہماگہمی،،،،وہی رونق،،،،،
میں سر جھکائے بوجھل قدموں سے اپنے راستے پر چل پڑا۔

   (ابنِ آدم)

Advertisements
This entry was posted in Uncategorized, فنا مقّدر ہے. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s