“فَبِأَيِّ آلَاءِ رَبِّكُمَا تُكَذِّبَان”

میں نے چُندھائی ہوئی آنکھوں سے سورج کی سمت دیکھنے کی ناکام کوشش کی،،،مجھے لگ رہا تھا کہ سورج زمین کے قریب آگیا ہے،،،،،اتنی گرمی!
ہر طرف آگ لگی ہوئی تھی،ہر ایک شخص بلبلایا سا پھر رہا تھا۔میں بڑے بڑے ڈگ بھرتا ہوا اپنے آفس کی طرف دوڑ پڑا،،،میں سورج کی وحشت سے خود کو بچانا چاہ رہا تھا۔
اپنے روم میں آکر میں نے سُکھ کا سانس لیا،اےسی کی کولنگ میرے وجود کو سکون بخش رہی تھی۔کچھ دیر ریلکس ہونے کے بعد میں نے کھڑکی کا پردہ ذرا ہٹایا اور باہر کی طرف نظر ڈالی۔سوئپر ہاتھ میں جھاڑو پکڑے پارکنگ ایریا کی صفائی میں مصروف تھا،اُسکی شرٹ پسینے میں شرابور تھی،پھر میری نظر گیٹ پر کھڑے گارڈ پہ پڑی،،،اتنی گرمی میں وہ موٹے کپڑے کی وردی،موٹے جراب اور بھاری بھرکم جوتے پہنے چاک و چوبند انداز میں کھڑے سورج کی شعاعوں کو اپنے سپاٹ چہرے پہ برداشت کر رہے تھے۔
اُس سے ہٹ کر میری نظر باہر سڑک پہ پڑی،،،زندگی رواں دواں تھی،مسافر،خوانچہ فروش،فقیر،ٹریفک کانسٹیبل ہر کوئی اپنے کام میں مگن،گرمی،سردی،بارش ،طوفان سے بےنیاز اپنے پیاروں کے لئے رزق کی تگ و دو میں مصروف،،،،،
مجھے ان تمام افراد کے کاندھوں پر ایک نہ نظر آنے والی ضرورتوں کے پہاڑ کے ہونے کا احساس ہوا۔یہ کارخانہ ء خدا ہے،،،،ایک شخص سخت گرمی میں پسینے سے بے حال اور دوسرا ٹھنڈے کمرے میں ،آرام دہ کرسی پر ٹانگ پہ ٹانگ رکھے براجمان۔دونوں کا مقصد ایک،،،،دونوں کی لگن ایک،،،،اپنے اپنے اہل و عیال کے لئے رزق کی فراہمی،مگر دونوں کی قسمت مختلف۔
میری آنکھوں میں تشکر کے آنسو آگئے،کتنے نا شکرے ہیں ہم انسان،،،سب کچھ پا کر بھی شکوے، شکایتوں کے انبار،،،،
بے اختیار میرے لبوں سے الّلہ کے شکر کے الفاظ نکلنے لگے،،،”اور ہم الله کی کون کون سی نعمتوں کو جُھٹلائیں گے”
“فَبِأَيِّ آلَاءِ رَبِّكُمَا تُكَذِّبَان”
(ابنِ آدم)

Advertisements
This entry was posted in Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s